Cantar de Señaldá, de Galo Fernández "Fernán Coronas" (1884-1939)

Güey Turín ta todu chenu de bulliciu,
la ciudá ta güey de fiesta,
peru al probe desterráu paréceiy triste
com’un truébanu sin miel, ya sin abeyas.

Tou pensandu nas iglesias sturianas,
ya nas casas del pueblín aunde naciera,
tou pensandu sin parar’n aquestsus horrius
que se adornan cu’las riestras.

¿Vulveréy al dulce niu que quieru tantu?
¿Vulveréy arrudiame na su ilesia?
Ay!, ¡qué dicha Cadaveu, si volvu vete!
Dious lu quera, Dious lu quera!

Padre Galo Fernández, "Fernán Coronas" (1884-1939)

(Ed: Fernán Coronas, Padre Galo Fernández. Poesía asturiana y traducciones, Trabe, 1993)