In Voce Tronitrus, del Galo Fernández "Fernán Coronas" (1884-1939)

La mía voz ya una vocina
que apeninas cerca sona,
ya cun ella nun'ha espertare
la mi Asturias pigarzona.

Clamiade muitos cumigo
na nuesa llingua perbona,
ya de muitas voces xuntas
faigamos una vozona.

Cun esa voz pregonemus
lu que menus se pregona,
ya restinxa el nuesu bable
comu restinxe la trona!

Padre Galo Fernández, "Fernán Coronas" (1884-1939)

(Ed: Fernán Coronas, Padre Galo Fernández. Poesía asturiana y traducciones, Trabe, 1993)