vendrá de la to mano, ciega
ha venir, guiándo-y los pasos
un antigu y feble dolor.
Será como vistir de fiesta,
paxellu nuevu de domingo
que nun serás a quitar yá.
Verás un rostru nel espeyu,
solombra escura de la muerte,
y tu nun vas saber quién ye.
Anuncia un tiempu de derrota.
Pa qué preguntes, nun apielles
que naide habrá que te respuenda.
Mañana vas salir tan ceu
que nun oirás la voz de l'alba
que grita, te llama y xuxuria,
que llora por ti y t'apodera.
Nada habrá ente la nada y tu.
Antón García
(Venti poemes, 1998)
No hay comentarios:
Publicar un comentario