l'agüa túa nun ya pouca
pero tu cuasi nun cantas
ya la voz tráisla bien rouca!
"anque you nun sou de llonxe
rendíu y afanandu vengo,
que fay xa sieglus que corru
ya encima gran pena tengu".
Duelme el ver que la tierrina
se fay cada vez más mala
ya de las mis mocedades
nu-y queda güei nin la fala.
Días lus días de entoncies!
Homes lus homes d'antanu!
Falaxe'l qu'ellos falaban!
todu dafeitu asturianu.
Güey que cruciu estrañu suelu
mueiru de malencolías:
¿Au tan los mieus asturianos?
¿Au tan las Esturias mías?
L'augüina mía chorosa
en sin gracia pa cantare,
vei triste ya amargurida
cumu'l corazón del mare!...
Asina respondeu l'Esba
cun un queixúmene fondu
ya you quedéime chorandu
¡ya inda nun chorei abondu
Padre Galo Fernández, "Fernán Coronas" (1884-1939)
(Ed: Fernán Coronas, Padre Galo Fernández. Poesía asturiana y traducciones, Trabe, 1993)
No hay comentarios:
Publicar un comentario