Axagüeiros de palombina, de Irma González-Quevedo Pedrayes

De la ourecha de la nena
cuelga una palombina,
marieḷḷa como fuechas ivernales
qu'adornan las vías del tren.

Como una pantasma pasaxera
enchena de pesadieḷḷas prietas,
pol sarriu de los anos,
de nueites desḷḷunadas.

Ánima de palombina que muerre
xunto a la ḷḷuz del día,
pero qu'outra vuelta vive en retinas infantiles,
que piensan que son eternos
los axagüeiros d'una palombina dorada.

Irma González-Quevedo Pedrayes

(Lletres Lliterariu nº 4, Academia de la Llingua Asturiana, 2012)