Madre Povisa, d'Esther Prieto

Madre vértigu, madre espantu que m'ocupes,
acueyi a esta to fía desolada y ciega, falta de cimientos,
güérfana de dioses y esperances.
Madre povisa, madre desaniciu que me paristi nel ermu del mundu habitáu,
bendiz a esta to fía, perdida y silente,
triste como dengún ente los tristes.
Fía soi de l'abondosa tristeza del to vientre abultá,
—acaso nun me reconozas— y de la sombra margurienta d'una casualidá mayor que'l mundu;
ésta soi yo, la to fía, crecida como ríu,
como sede na garganta, que grita y torna p'haza ti'l so rostru.

Esther Prieto

(La mala suerte, 2000)