Dixiste nun sei quéi de la última vez.
Garréi'l peine con una manu, ya l'outra
pasábatela espacín pola cabeza.
Caía'l pelu blancu sobre la baldosa
nun baiḷḷe de nieve aḷḷouriante.
Por fuera, la manu firme, la sonrisa.
Por dientru, l'alma estrozada pola pena.
Nada dixe. Nun falaste malapenas.
Cuantu amor, mante, resgaba la tisera.
Taresa Lorences
(El son de los picaportes, 1994)
No hay comentarios:
Publicar un comentario